NASSEREGYPT
محب رائع
عدد الرسائل : 422
العمر : 53
علم البلد : 
تاريخ التسجيل : 06/07/2009
 |  موضوع: للكوسه ف بلادي شئون  2009-12-28, 12:53 | |
|
بتخلي المسنود فرعون
يتفرعن فين مهما يكون
وتخلي الجاهل أستاذ
والأعرج لاعب جمباز
وتخلي الأحول هداف
والكوره الآوت ف الجون
للكوسه ف بلادي شئون
لو تعرف واحد ف الشرطه
راح تخرج من أجدع ورطه
والراجل اللي انت ظلمته
تلاقيه متلقح مسجون
أو تعرف شخصيه كبيره
شغاله ف البنك مديره
راح تاخد من غير ضمانات
كام قرض بمليون مليون
وهروبك طبعا مضمون
ويا عيني لو تعرف نايب
ف المجلس مش نايب خايب
راح تبني أبراج وهميه
أوراقها مظبوطه أكيد
وفلوس الناس المهريه
حتجيلك م الجيب للإيد
بعديها تروح المستشفى
وتقيد نفسك مجنون
أحكامك تسقط ف ساعتها
بعديها ترجع موزون
ويا عيني لو تعرف شيخ
فجنابك طاهر علطول
وصيامك طبعا مقبول
وإذا فرضا حبيت تتجوز
تتجوز من غير مأذون
وإذا ساكن ف عماره جديده
وحبيبك راجل مسئول
فسيادتك من غير ما تقول
يركب لك فورا تليفون
ولو انت عندك عربيه
ونمرها سوده بنسرين
حتعدي أجدعها كمين
وحتكسر أوضحها إشاره
ماهو نمرك سوده جباره
ولا تعرف أيتها قانون
ولو انت بتعرف فران
أو واحد بياع جرنان
راح تاخد طلبك وحتمشي
من غير ولا دوشه ولا دور
والناس الغلبانه حتاخد
طلباتها بعدك وتغور
ماهو كله غيرك بيهون
ولو انت زميل الحلاق
راح تحلق اولها زبون
وإذا كنت بتعرف دكتور
حتعيش متطمن مسرور
وحتسلك ف لجان الشفوي
ومجال تعيينك موفور
وحتطلع فالتليفزيون
بالبدله وفيها الببيون
تتكلم وبكل بساطه
عن شرف المهنه المدفون
لكن لو شاعر غلبان
قلت اللي ف نفسك علطول
حيقولو مين قال لك قول
ويهاجمك مليون إنسان
والتهمه أنك فنان
مش برضه كلامي يا جدعان
حسينه.. ولا أنا غلطان
مش معنى كلامي يا أحبابنا
إن إحنا خلاص اتغربنا
فيه فينا أشراف وكتير
إتربوا على حب الخير
وإحترموا ولادهم والغير
والناس إحترمتهم ولله
الفاتحه على روحهم يلله
| |
|
كلمة قلب
محب جديد
عدد الرسائل : 58
العمر : 50
رقم العضوية : 215
علم البلد :
تاريخ التسجيل : 18/12/2009
| | موضوع: رد: للكوسه ف بلادي شئون 2009-12-28, 14:02 | |
| ايه الكلام الجمييل دا بتجيبه منين رائع | |
|
سما القلب
مراقب عام المنتدي
عدد الرسائل : 2451
العمر : 39
رقم العضوية : 94
الأوسمة : 
علم البلد :
تاريخ التسجيل : 24/08/2008
| | موضوع: رد: للكوسه ف بلادي شئون 2009-12-29, 04:54 | |
| حلوة مووووووووووووت
تسلم ايديك
مين اللى كاتبها احمد فؤاد نجم؟؟؟
وعلى العموم تحياتى ليك جداااااااا
لانى بحب نوعية الشعر دية جدا | |
|
ربيع الحب
مستشار إداري
عدد الرسائل : 2409
العمر : 49
رقم العضوية : 110
الأوسمة : 
علم البلد :
تاريخ التسجيل : 04/02/2009
| | موضوع: رد: للكوسه ف بلادي شئون 2009-12-29, 05:05 | |
|
اية الكلام الجامد دة يا عم ناصر
طبعا دى كليمات فى الصميم
تسلم لنا اختياراتك يا زعيم
تحياتى ليك
| |
|
NASSEREGYPT
محب رائع
عدد الرسائل : 422
العمر : 53
علم البلد :
تاريخ التسجيل : 06/07/2009
| | موضوع: رد: للكوسه ف بلادي شئون 2009-12-29, 11:57 | |
|
والله مش عارف اقول ايه اشكركم من كل قلبى اخواتى سما وسما وربيع
| |
|
