أحباب الفردوس
السلام عليكم ورحمة الله
اهلا وسهلا بكم اخواتي
احباب الفردوس ترحب بكم

انسى الدنيا مع الصعايده 2811
أحباب الفردوس
السلام عليكم ورحمة الله
اهلا وسهلا بكم اخواتي
احباب الفردوس ترحب بكم

انسى الدنيا مع الصعايده 2811
أحباب الفردوس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدي اسلامي ثقافي اجتماعي
 
البوابة*الرئيسيةأحدث الصورالتسجيلدخول

 

 انسى الدنيا مع الصعايده

اذهب الى الأسفل 
3 مشترك
كاتب الموضوعرسالة
NASSEREGYPT
محب رائع
محب رائع
NASSEREGYPT


ذكر
عدد الرسائل : 422
العمر : 53
علم البلد : انسى الدنيا مع الصعايده Female31
تاريخ التسجيل : 06/07/2009

انسى الدنيا مع الصعايده Empty
مُساهمةموضوع: انسى الدنيا مع الصعايده   انسى الدنيا مع الصعايده I_icon_minitime2011-01-09, 05:25







صعيدى رشح نفسه فى الانتخابات كتب تحت صورته


و عسى ان تكرهوا شئ و هو خير لكم




************ ********* ****

صعيدى رجع من الشغل لقى مراته مطبختش فزعل و دخل نام
فحبت تصالحه قالت له اعمل لك مساج؟؟ قال لها عليا الطلاق لو عملتيه لارميه بحلته فى الشارع

************ ********* ****
تاجر مخدرات راح يخطب واحدة
فأبوها بيسأله انت بتشتغل ايه؟
قال له فنى تكييف
************ ********* ****
واحد بيقول لصاحبه الرجاله هيعطوهم ستات قشطة فى الجنة
قال له و الستات بتوعنا هيروحوا فين؟
قال له هيعذبوا بهم الكفار
************ ********* ****
تفتكر ليه لبان كوكو واوا مبقاش موجود فى السوق؟
عشان كوكو خف
************ ********* ****
واحد راح لشيخ و قال له هو ينفع اصلى جماعة وراالامام فى التليفزيون؟
قال له ما تحط ملايه سودا على التلاجة و تحج بالمرة !
************ ********* ****
واحد مصرى اتجوز واحدة صينية باسها بوستين و باظت
************ ********* ****
صعيدى دعى ربنا 15 سنة يرزقه بولد
نزل ملك من السما قال له ابوس ايد امك اتجوز
************ ********* ****
واحد بيقول لحبيبته يمكن مكونش غنى و لا عندى فلوس ولا فيلا و لا عربية
زى محسن صاحبى بس بحبك فحضنته و دمعت و قالت له لو بتحبنى بجد عرفنى على محسن

************ ********* ****
مذيع بيسأل صعيدى: أحمد زويل اخد جايزة نوبل فى ايه؟؟
قال له فى علبة قطيفة حمرا


********* ****

































هو ليه فى سندباد و مفيش هندباد؟
مع ان فى جوز هند بس مفيش جوز سند!
و ليه فى شهرزاد و مفيش اسبوع زاد او نقص؟؟
و ليه فى باكستانى و مفيش باكستالت ولا رابع؟؟
اكيد ربنا له حكمة..



محشش يتأمل ملكوت الله
*******

محشش عنده 85 سنة راح مكتب تأمين على الحياة الموظف قال له انت سنك كبير مينفعش تأمن على حياتك قال له ليه ده ابويا كان هنا امبارح و عمل تأمين تعجب الموظف و قال له تعالى بكرة نشوف لك حل
قال له بكرة مشغول عندى فرح جدى, سأله الموظف انت جدك عايش وعايز يتجوز؟؟
قال له الصراحة مكنش عايز بس ابوه و امه ضاغطين عليه



*******


صعيدى فى الجيش بيقول لعسكرى زميله فى الحرب: انت من دشنا؟؟
قال له لأ
راح ضربه بالنار و قال له تبقى من ديش العدو

*******

ندل انقذ شخص كان بيتحرق
كرموه و سألوه ايه سبب شجاعتك؟
قال لهم انقذته لسببين
الاول: علشان ميموتش شهيد
الثانى: علشان يعيش بقية حياته مشوه

*******
ظابط قبض على طفل بيشم
قال له الشمام الصغير اسمه ايه؟؟
قال له كنتالوب يا باشا

*******


































صعيدى شغال سواق تاكسى فى الصين
كل ما حد يشاورله يقول له : ابو شكلك انا لسة موصلك


*******
واحد بيقول لصاحبه بتحب ابوك ولا اللحمة؟؟
قال له انت عبيط دى الشوربة بس برقبته

*******
عصفور صدمته عربية و اغمى عليه
صاحب العربية وقف و اخده البيت و حطه فى قفص
صحى العصفور لقى نفسه فى القفص مسجون قال معقوله يكون الراجل مات !!

*******
واد فرفور ابوه جاب له شريط اسلامى يمكن ينصلح حاله رجع البيت لقاه محجب

*******
صعيدى طلب يتعين فى مجلس الشعب
قالوا له انت اهبل !
قال لهم يعنى لازم الشرط ده؟؟

*******
بخيل جاله ضيوف قال لمراته بفكر ادبح البغبغان و نعمل شوربة و فته و نشوى الضلوع ع الفحم و الجناح نعمله هواية و نعمل لحمة راس من المخ و نقلى الكبد و القوانص
رد البغبغان : ما تحلبنى بالمرة عشان تعمل رز بلبن يا روح امك

*******
صينى عايز يشترى 10 علب كوكاكولا
دخل محل بقالة صعيدى قال له : ين شين شانج كوكاكولا
الصعيدى قال له بتقول 10 علب ايه؟

*******
صعيدى بيقول للتانى: بيجولوا البابا شنوده وجع فى البانيو رجله اتكسرت
التانى قال له : ايه البانيو ده؟؟
قال له : و انا ايش عرفنى هوا انا مسيحى؟

*******
سألوا صعيدى ايه اخبار الصيام؟
رد و قال و الله لولا الوضوء كنا متنا من العطش

*******
صعيدى عايز يشنق نفسه من رجليه سألوه ليه؟
قال جربت من رقبتى كنت هموت

*******
تلاتة مساطيل وقفوا تاكسى السواق عرف انهم مساطيل راح مشغل العربية و بطلها و قال لهم وصلنا
الاول دفع الاجرة, و التانى قال له شكرا , و التالت ضربه على قفاه و قاله متبقاش تجرى بسرعة مرة تانية

*******
واحد واقف ادام الكعبة بيدعى يارب سامحنى على كل كلمة قلتها على الصعايدة
فواحد صعيدى وراه قال له هى القبلة ازاى؟
قال له شفت يارب هما اللى بينكشونى

*******
بخيل مات طلع له بيتين فى الجنة
باع واحد و أجر واحد و سكن مع اخوه فى جهنم

*******
سألوا الرئيس مبارك عن رأيه فى التغيير
قال: التغيير ده سنة الحياة
قالوا: طب و سيادتك مش هتتغير؟؟
قال: انا فرض مش سنة

*******
محشش قالوا له التدخين يؤدى الى الموت البطئ
قال لهم انا اساسا مش مستعجل

*******
ديك بيقول لفرخة انتى كل يوم تبيضى و عمرك ما كلتى بيض, قالت له ما انت كل يوم بتدن و عمرك ما ركعتها

*******
محشش بيقول لصيدلى عندك شريط للبرد؟
قاله اه
قاله شغله خلينا نسمع

*******
مجانين شغل لهم الدكتور اغنية
قاموا كلهم يرقصوا الا واحد
الدكتور فرح و سأله انت ليه مش بترقص معاهم؟
قال له اصل انا العروسة

*******
محشش فى امتحان تعبير و مطلوب 10 صفحات
فكتب فى اول صفحة " ركب الراجل الحصان" و فى اخر صفحة "نزل الراجل من على الحصان"
و بينهم " درجن درجن درجن"

*******
بخيل عمل شوربة لحمة سألوه فين اللحمة؟
قال لهم : يعنى هوا شاى العروسة فيه عروسة؟

*******
واحد محشش اتصل بالبوليس و قاله: هوا الواحد ان مكنش يسأل عليكوا متسألوش انتو؟

*******
واحد صعيدى مثقف اوى بعت رساله لاخوه بيقول له:
Open happy wrote his book on in in Friday
يقصد:
فتحى سعيد كتب كتابه على فيفى جمعه

*******
حرامى بيقول لامه الدنيا معدش فيها اخلاص
بسرق محفظة ابويا لقيت محفظتى معاه

*******
محشش وقفوه فى كمين سألوه مش رابط الحزام ليه؟
رد انا اصلا مش لابس البنطلون

*******
افريقى و ابنه من اكلة لحوم البشر خرجوا يشوفوا شغلهم فاصطادوا هيفاء وهبى
الولد قال لابوه نوديها البيت و ناكلها
قال له لا نوديها البيت و ناكل امك

*******
واحد بينسى جدا راح للدكتور قال له لو عايز تخف روح الحج يمكن ربنا يشفيك
راح الراجل حج, و هوا راجع قعد يفكر نفسه بالمناسك
طواف و طوفنا, سعى و سعينا, و على عرفه وقفنا
ناسى ايه يا بطرس
ناسى ايه يا بطرس !!

*******
واحد مسطول ماشى بعربيته عكس الاتجاه
سمع المذيعة فى الراديو بتقول: الشرطة تلاحق واحد يمشى عكس الاتجاه
قال لنفسه: هههه هوا واحد بس دنا شايف عشرين لحد دلوقتى

*******
مسطول ضرب ظابط و موته و اتصل ب 122 و قال لهم احب ابلغكم انكم بقيتو 121

*******
واحد سأل شيخ لو شفت اسد و انا بصلى اكمل الصلاة؟
قال له لو لسة على وضوءك كمل

*******
راجل قام من النوم على صوت زعيق سأل الجيران فى ايه؟ قالوا له تصدق المياه مسممة
مراته صحيت سألته فى ايه؟
قال لها : المياه هتقطع اشربى و نامى

*******
عاجل.. عصابة خطفت الريس و طلبت 15 مليون دولار او يحرقوه بجاز
احنا بنلم للريس
الرجاء التبرع ب 2 لتر جاز

*******
صعيدى قاعد على الشط شاف واحد بيغرق
كل ما يرفع ايده
يقول له و عليكم السلام و رحمة الله

*******
سألوا مصرى ليه المصريين بيحلفوا كتير؟
قال: طب و الله العظيم دى اشاعة
قسما بالله ده افترى
و المصحف ما صحيح
و عهد الله ده ظلم
و ربنا احنا مش كدة

*******
صعيدى مش عايز يرد على صاحبه بعتله رساله
انا ناسى الموبيل فى البيت

*******
صعيدى المضيفة بتسأله: اجيب لك عشا كامل؟
قال لها: ليه هوا كامل مش هيتعشى؟؟

*******
صرصار بيجرى ورا عربية المجارى سألوه ليه؟
قال لهم ابن الكلب شفط المدام

*******
واحدة بتقول لشيخ انا بصلى و محجبة و بقرأ قرءان
قال لها ده مفتاح الجنة
واحدة تانية بتقوله انا بحب البس شورتات و مايوهات
قال لها و ده مفتاح الشقة

*******
واحد فاز بمليون جنيه راح يقول لمراته فماتت من الفرحة قال سبحان الله الخير لما بييجى بييجى كله مرة واحدة

*******
صعيدى سرق مليون جنيه خدهم و شالهم فى حفرة و كتب "مفيش فلوس هنا"
راح حمدان ابن عمه خدهم و كتب " حمدان مخدش حاجة"

*******
واحد و مراته متخانقين و هما مسافرين بالعربية شافوا عزبة بقر قال لها يقربولك دول؟
قالت له اه دول اهل جوزى

*******
واحد راح للدكتور و حكى له عن حالته و قال له انا كل ما اصحى من النوم الاقى نفسى مندهش
راح الدكتور كاتب له علاج فصحى تانى يوم لقى نفسه مش مندهش فاندهش ..

*******
صعيدى مسكوه مع شبكة ارهابية قالوا له ايه اخر عملية عملتها؟ قال البواسير

*******
غبي بيشنقوه شاورلهم بايده
نزلوه و سألوه فى ايه؟
قال لهم كنت هموت يا جزم

*******
واحدة وحشة اوى داخلة الحمام فبتقول " اعوذ بالله من الخبث و الخبائث"
فالشيطان قال لها من غير ما تقولى انا كدة كدة طالع

*******
واحد مصرى قاعد يصلى سمع اتنين بيشكروا اوى فى صلاته و ايمانه
قطع صلاته و قال لهم لا و صايم كمان

*******
بلادينا بيقول لبلادينا" انا تعبان من الروماتيزم"
رد عليه و قال له " وانا جرجاوى من فرشوط "
الرجوع الى أعلى الصفحة اذهب الى الأسفل
ربيع الحب
مستشار إداري
مستشار إداري
ربيع الحب


انثى
عدد الرسائل : 2409
العمر : 49
رقم العضوية : 110
الأوسمة : انسى الدنيا مع الصعايده 3
علم البلد : انسى الدنيا مع الصعايده Female31
تاريخ التسجيل : 04/02/2009

انسى الدنيا مع الصعايده Empty
مُساهمةموضوع: رد: انسى الدنيا مع الصعايده   انسى الدنيا مع الصعايده I_icon_minitime2011-01-09, 17:29

هههههههههههههههه


بجد تحفة وموتونى من الضحك

تسلم يارب
الرجوع الى أعلى الصفحة اذهب الى الأسفل
قلب عابد
المدير العام
المدير العام
قلب عابد


ذكر
عدد الرسائل : 3946
العمر : 51
الموقع : مكان علي الارض
تاريخ التسجيل : 09/08/2007

انسى الدنيا مع الصعايده Empty
مُساهمةموضوع: رد: انسى الدنيا مع الصعايده   انسى الدنيا مع الصعايده I_icon_minitime2011-01-10, 03:37

اضحك هنا للركب

هههههههههههههههههههه

مشكور اخي ناصر تحياتي لك
الرجوع الى أعلى الصفحة اذهب الى الأسفل
https://ahbabfrdaws.ahlamontada.com
NASSEREGYPT
محب رائع
محب رائع
NASSEREGYPT


ذكر
عدد الرسائل : 422
العمر : 53
علم البلد : انسى الدنيا مع الصعايده Female31
تاريخ التسجيل : 06/07/2009

انسى الدنيا مع الصعايده Empty
مُساهمةموضوع: رد: انسى الدنيا مع الصعايده   انسى الدنيا مع الصعايده I_icon_minitime2011-01-10, 11:11

اقتباس :

هههههههههههههههه


بجد تحفة وموتونى من الضحك

تسلم يارب

بعد الشر عليكى اخت ربيع من الموت والحمد لله انى قدرت ارسم بسمه على شفايف اخوتى فى المنتدى
اضحك هنا للركب

هههههههههههههههههههه

مشكور اخي ناصر تحياتي لك
اقتباس :


مشكور اخى عابد على مرورك الكريم وزى ماقلتلك ح تلاقو من ده كتييييييرررررر
بس نغير الضحكه من ههههههههههه
الى
كركركركركركركركركركر
الرجوع الى أعلى الصفحة اذهب الى الأسفل
 
انسى الدنيا مع الصعايده
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
أحباب الفردوس :: المنتدي الترفيهي :: اضحك من قلبك-
انتقل الى: