حتي يكون العام جديد

يقول سفيان الثورى احد ائمة التابعين الكبار الذى تربى على يد الصحابة
يقول :
جلست يوما أعد ذنوبى فأعددتها فاذا هى واحد وعشرين الف ذنب فقلت تلقى
الله يا سفيان بواحد وعشرين الف ذنب يسالك عن ذنب ذنب ثم قال لنفسه يا
سفيان انت تذكرت واحد وعشرين الف ذنب فكيف بما احصاه الله ونسيته ياسفيان
ثم قال لنفسه تب يا سفيان .... تب قبل ان تلقى الله يقول فجلست اتذكر
عمرى سنة .. سنة اتذكر اولى سنين بلوغى اتوب عن السنة التى كنت فيها
صغيرا لما انتهيت قمت خفيفا


إيه رأيكم نجرب نقعد كده ولو ربع ساعة... نفتكر عملنا إيه ونستغفر ونسأل ربنا يعفو عنه
واللى لقيناه موجود من السنة اللي فاتت ولسه موجود... نسأل ربنا انه يتوب علينا

ونسأل ربنا انه يرزقنا عام جديد... بالطاعات وبالقرب منه... ويرزقنا معرفته


لازم نعرف ربنا... عشان اما نعرف ربنا هانحبه... واما نحب ربنا هانحاول نرضيه بجد
بدون مشقة وبدون تعب
وهنحس اللذة في الطاعة... ونستشعر اللذة برضوا في ترك المعصية...
حتى لو وقعنا... وتعبنا... هانلاقي دافع بيرجعنا

بلاش نعيش حياتنا واحنا بنفتح كل الابواب الممكنة... ومش عايزين نفتح باب معرفة الله
او مش عارفين نفتحه... لاننا ممكن نبذل مجهود في حاجات وحاجات وتعبانين فيها بس مش فاهمين بنعملها ليه.. وايه العائد علينا


وفي أول كرب او مشكلة... أي ابتلاء أي كان.. هانلاقي نفسنا بنقع ومش عارفين نرجع وخايفين نرجع

وخايفين نبدء صفحة جديدة


كل ده عشان بسبب عدم المعرفة بالله وصفاته... مش عارفين معنى التواب الغفور الشكور
يتوب على عبده أي كان حاله... ويغفر له وإن بلغت ذنوبه عنان السماء... سقف السماء ياجماعة...



أما الشكور بقى ... لا استنوا لازم نبدء السنة دي بإسم الله الشكور

ما معنى شكر؟

في اللغة شكر تعني زيادة، يعطيك زيادة مهما كان ما قدمته قليل، فلو أعطيت أجر لأحدهم لن تكون شكور لأنه لابد من الزيادة لتصبح شكور، في اللغة العربية قول: الدابة الشكور، تعطيها علف قليل تعطيك إنتاج غزير، الأرض الشكور: بالماء القليل تعطيك إنتاج فوق ما تتخيل، الشكور سبحانه وتعالى الذي يشكرك على اليسير مما تقدمه فيعطيك عليه أضعاف مضاعفة من الجزاء والثواب في الدنيا والآخرة، وكأن الشكور مكون من جزئين، الأول: ما قدمته قليل، والثاني أضعاف مضاعفة من الشكر، لكن هل ينفع أن يشكرك بدون أن تقدم شيئا؟ لا.. اسم اليوم يقول لك لابد أن تقدم شيئاً أولاً.

تلات اسماء بس لو ركزنا فيهم مع بداية السنة... هنلاحظ تغيير في كل حاجه
الطاعة... الدعاء... التدبر... الرجوع إلى الله
كل عام وانتم بخير... ولا تنسونا من صالح دعائكم

وعليكم السلام زهرة المدائن

شكرا لكي علي مرورك الجميل

تقبلي خالص التحية والتقدير