NASSEREGYPT
محب رائع
عدد الرسائل : 422
العمر : 54
علم البلد : 
تاريخ التسجيل : 06/07/2009
 |  موضوع: مش ممكن يكون مصرى  2009-08-19, 12:54 | |
| 
وقال بدران من الصعب، بل ومن المستحيل أن يستطيع أي فأر الصعود أو التسلل لأي طائرة موجودة علي كوبري التحميل بالمطار ) وهي المنطقة التي كانت تقف فيها الطائرة السعودية (، لأنها منطقة حركة الركاب، لذا فإن مطار القاهرة غير مسؤول عن هذا الفأر وعن الخسائر التي سببها للخطوط السعودية (حسبما ذكرت جريده المصري اليوم).
ومن جانبه، أكد الدكتور سامي البساطي، رئيس الجمعية المصرية لعلم الحيوان، أنه لتحديد الجهة المسؤولة عن الخسائر لابد من تحديد جنسية الفأر، وهذا يتم من خلال معرفة السلالة التي ينتمي إليها.
وقال البساطي: من المحتمل أن يكون الفأر سعوديا أو من أي دولة أخري، وقد يكون موجوداً علي الطائرة منذ 13 يوما دون أن يكتشفه أحد، ولمعرفة ذلك يمكن فحص الفأر من خلال المواصفات البيئية التي اكتسبها من البيئة التي يعيش فيها
وكان فأر قد أثار الذعر علي رحلة الخطوط الجوية السعودية رقم 302قبل إقلاعها بربع ساعة، عندما صرخت راكبة بعد أن اكتشفت أن فأرا يسير علي جسد ابنها الذي يجلس بجوارها، الأمر الذي تسبب في وقف تشغيل الطائرة لأكثر من 24 ساعة، وإلغاء رحلتها وعودتها من علي ممر الإقلاع وعلي متنها 368 راكباً، وحدوث خسائر للشركة- التي اتهمت سلطات مطار القاهرة بالإهمال والتسبب في هذه الخسائر- بلغت نحو 3 ملايين جنيه لقيام الشركة باستدعاء طائرة أخري .
لكن الاظرف كانت تعليقات المصريين علي الخبر ومنها :
1_ حتى الفيران عايزة تهاجر وتسيب البلد
2_ الفار مصرى ابن مصرى ،بس زى حالة كتير من المصرين زهقوا من وضع البلد فكر يسافر يلقط رزقه فى السعودية، الله يعينه عنده اسرة وعياااااااااااال مش لاقى يأكلهم
3_ يا جماعه انا الى عرفتوا عن الفار ده انه ابوه مصري وامه سعودية
4_ اكيد مش مصري لان الفار المصرى اخره يوم ما يكون فار صايع قوى كبيره يطلع ماسوره مجارى ده لو قلبه ميت.
5_ اهم حاجة اوراق الفار سليمة ولا لا ؟
6_ مش يمكن الفار دة كان بيفكر يسافر على ايطاليا بس خاف يموت والمفتى يقول عليه مش شهيد فقال اركب طيارة احسن واسافر على بلد عربى وربنا يفتحها فى وشى واسيب البلد دى ويمكن ارجع بعد 50 سنة والاقى السيد الرئيس زى ما هوة اسلم علية وارجع على هناك تانى .
7_ يا بخت الفار دة والله العظيم انا بحسده انه فكر يسافر السعودية بس كان من الافضل بالنسبه للعملة انه يسافر الكويت او الامارات
و كمان عشان ما يقعش في ايد كفيل فار سعودي معندوش ضمير يسلط عليه قطط المملكة.
8_ حتى الفئران عايزة تهاجر جتنا نيلة فى حظنا الهباب والنبى لو تعرف يا سيد فار تجبلى عقد عمل ابعت لى.
9_ صعب نحدد جنسيته و انا رأيي يسيبوه لغاية ماتش مصر مع السعوديه.. ويقولوله يومها ان مصر كسبت ونشوف رد فعله.. لو فرح يبقي مصري.. ولو اتضايق يبقي برضه مصري بس نفسه المدرب حسن شحاته يمشي...
10_ تعليق من السعويه: انا اقول يا جماعه نحط له صحن كبسة و صحن فول ووين ما ياكل نعرف انه مصري والا سعودي
مع أطــــــــيب التمــــــنيات
| |
|
قلب عابد
المدير العام
عدد الرسائل : 3946
العمر : 51
الموقع : مكان علي الارض
تاريخ التسجيل : 09/08/2007
| | موضوع: رد: مش ممكن يكون مصرى 2009-08-20, 03:00 | |
| هههههههههههههههههههه
هو مش ممكن يكون فار مصري لان الفيران المصريه
عندها انتماء وبتحب البلد اللي بتموت فيها وعمرها
ما هتفكر تسافر تموت بره
تحياتي اخي ناصر
| |
|
NASSEREGYPT
محب رائع
عدد الرسائل : 422
العمر : 54
علم البلد :
تاريخ التسجيل : 06/07/2009
| | موضوع: رد: مش ممكن يكون مصرى 2009-08-20, 12:20 | |
|
اشكرك اخى عابد على مرورك وكل سنه وانت طيب وماتنساش سؤال اول يوم فى رمضان عندك وماتنساش ترشح العضو الى ح يسئل اليوم التانى
| |
|
