مصرى فى الادغال الحلقه الثانيه

اخوانى رواد المنتدى الغالى عرضت عليكم ماتقوله شبكه الانترنت عن دوله غينيا الاستوائيه ولكن الحقيقه غير كده خالص الحقيقه تحتوى على جانبين جانب مظلم وجانب مضئ .
الجانب المظلم هى طبيعيه الحياة هنا وطقوس المواطنين هنا والديانه والتربيه والامراض والفقر
اما الجانب المضئ هنا وهى الطبيعه الخلابه التى تتميز بها البلد ولكم ان تتخيلو ان البلد هنا لم تصيبها المدنيه بشئ من حيث التلوث والدمار للثروات الطبيعيه
دخلنا غينيا فى منتصف عام 2005 وقبل دخولنا البلد كنا خايفين من الشمس حيث انها قريبه من خط الاستواء ولكن اتضح العكس ان غينيا تعتبر جزيرة صغيرة على المحيط وجوها استوائي بحيث الشمس تقريبا مش بتطلع وبتغطى السماء طبقه سحاب رماديه كثيفه طول العام وموسم المطر هنا 6 شهور مطر وهما من شهر يونيه حتى شهر ديسمبر يعنى مصر تكون فى عز الحر واحنا هنا فى مطر
اول مادخلنا البلد كان المطلوب منا كشركه مقاولات مصريه ان تقوم بشق الغابات الموجوده فى البلاد بشبكه طرق فى جميع انحاء الجزيرة لكم ان تتخيلو غابه مافيش جنس بشر قرب منها انت تدخل فيها بالمعدات وتنشئ شبكه طرق والحمد لله اصبحت دوله غينيا الاستوائيه يشقها شبكه طرق فى جميع انحاء الجزيرة وذلك بفضل الله اولا وثانيا بفضل شركتنا المصريه وكنا بنشتغل باليل والنهار والشعب هنا غلبان جدا كلهم زى الانسان البدائى ولما كانو بيسمعو صوت المعدات بالليل كانو بيفتكرو انهم عفاريت
واليكم مجموعه من الصور للطبيعه الجميله هنا كما وعدتكم التقرير بالصور

وده يعتبر اول تحدى لشركتنا فى هذه الدوله وذلك لان شركات اولاد العم سام الامريكيه واولاد العم الاسرائليه بدءو يحسو باهميه هذه الدوله فدخلو فى حرب ضاريه معنا ووبعون الله استطعنا الصمود امامهم واتممنا مشروعات الطرق ولاذلنا حتى اليوم متفوقين فى المنطقه
سيبونا من الشغل شويه وان شاء الله فى الحلقه القدمه ح ارعض على سيادتكم طبيعه البلد السكان الامراض الجو الديانات العادات والتقاليد
واليكم هذا الموقف تعرضت اليه فى احدى السنوات هنا
اثنا عملى فى مشروعات الاسكان هنا احتكيت كثيرا بالمواطنين ودخلت بيوتهم وفى احدى المرات بعد تسليم مرحله من الاسكان الشعبى هنا قام احدى السكان بعزومتى وانا وطقم التنفيذ على الغدا وطبعا رحبنا بعد التاكيد انه ح يكون عبارة عن فنجان شاى وشويه حلويات لبنانى وطلبت اجيب انا الحلويات كمشاركه منى طبعا مش لحاجه ولكن لانى عارف الناس ده بتاكل ايه وطبعا خالف الساكن الوعد وطبعا عزمنى عاة غدا ملوكى طيب ملوكى ليه لانه ذبحلى ذبيحه وده يعتبر هنا الذبيحه ده لصفوة القوم وانا عرفت لما بلغنى احدى العمال معى المصريين وقالى الحق فلان دبحلك والذبيحه قدام البيت وطبعا ماسبتش الفرصه تفوت وصورتها واعتذرت عن الغدا بحجه انى تعبان والحمد لله انى تعبان

[color=red]

واسف اخواتى على المنظر وده طبعا قرد ولاىماتعرفهوش ان رئيس الجمهوريه هنا يقال انه صحى فى يوم وطلب يذبحوله قرد وطبعا راحو ماعرفوش يصطادو فى اليوم ده وبناءا عليه اصدر تعليماته بتجريم اكل القرود هنا والله العظيم هذا الخبر يتردد هنا
ومش عارف هل ح تطلبو الحلقه الثالثه ولا منظر الغدا ح يخليكم تطلبو وقف الموضوع بدون استكمال مستنى ردودكم

[/color]

بياكلوا قرود

يانهار وبصراحة شكلها صعب جدا

الحمد لله انك اعتذرت

ومرسى ليك ياناصر على المعلومات الجديده جدا عليا

وربنا يرجعك بلدك بالسلامة

تحياتى ليك اخى العزيز

اشكرك اختى سما على شعورك ومرورك الطيب وانتظرى الحلقه الجايه فيها الكتيررررررررر

اولا ميرسى كتير ناصر على المعلومات الجميلة دى

ثانيا مناظر لطبيعة رائعة

ثالثا مقلتلناش بقة طريقة طهى القرود

شوفت ازاى الموضوع مش كامل

تحياتى ليك وفى انتظار الحلقة القادمة

اشكرك اختى ربيع على مرورك بعد غياب طال اسبوع على الله يكون المانع خير وان شاء الله الحلقه التالته والاخيرة بعد يومين قبل رمضان وماتخافيش مش ح يكون فيها قرود ولافيران

» ترقبو مسلسل مصرى فى الادغال
» كاريكاتور مصرى
» مش ممكن يكون مصرى
» الذكرى الثالثة لإستشهاد 1035 مصرى
» اضحك كركر واوعى تفكر الحلقه الاولى